Маълумотларга кўра, Туркия шимолига кучли довул келиб, 9 киши ҳалок бўлгани айтилмоқда. Бу ҳақда маҳаллий нашрлар хабар берди.

Кучли ёмғир ва бўрон туфайли Батман, Диёрбакир ва Зонгулдак вилоятларида одамлар ҳалок бўлган.

“Афсуски, биз 9 нафар ватандошимизни йўқотдик”, дейди Туркия Ички ишлар вазири Али Ерликая.

Унинг айтишича, Зонгулдак вилоятида бўрон ва сел оқибатида турар-жой бинолари, давлат муассасалари, инфратузилма ва хусусий объектлар зарар кўрган. Шамол 57 та мактаб, 43 та уй ва хусусий мулкнинг томларини учириб кетган, сел сувлари биноларнинг биринчи қаватлари ва экин майдонларини босиб кетган, йўлларни ювган.

“Биринчи босқичда табиий офат оқибатларини бартараф этиш учун ёрдам сифатида 50 миллион лира ажратдик”, деган вазир.

Мамлакат президенти Ражаб Тоййиб Эрдўған ҳам офатдан зарар кўрганларга ҳамдардлик бидирди.

“Зарарни баҳолаш бўйича тадқиқотларни тезда тугатгандан сўнг, биз ёрдам тўловларини амалга оширамиз”, деган президент.

• ИИВ
• Президент
• Сел
• Туркия