Саудия Арабистони яшил майдонларида ўтказилаётган U-17 Осиё кубоги ўз ниҳоясига етди. Мусобақа финалида мезбон Саудия Арабистони ва Ўзбекистон терма жамоаси ўртасида чемпионлик учун кескин кураш бўлиб ўтди.

Учрашувнинг 40-дақиқасида Ўзбекистон ҳужумчиси Нурбек Сарсенбаев, 45+2-дақиқада эса ҳимоячи Миразиз Абдукаримов қизил карточка олиб майдонни тарк этди. Натижада ўзбекистонлик ёшлар иккинчи бўлимни 9 киши бўлиб ўтказди.

Драматик кечган баҳснинг 51-дақиқасида ҳимоячи Муҳаммад Ҳакимов пенальтидан ҳисобни очди. 71-дақиқада эса Садриддин Ҳасанов иккинчи голни киритди. 45 дақиқадан зиёд 11 футболчига қарши 9 киши ҳаракат қилган йигитлар ўйин сўнгида чемпионликни қўлга киритди.

• Футбол
• Ўзбекистон