Саудия Арабистони пойтахти Ар Риёд шаҳрида UFC Fight Night турнири бўлиб ўтди.

Кечанинг марказий жангида UFC собиқ чемпиони, нигериялик Исраэл Адесаня Франция шарафини ҳимоя қиладиган Нассуриддин Имавовга қарши жанг қилди.

5 раундга мўлжалланган жанг 2-раунддаёқ якунланди. Имавов 2-раундда Адесаняга зарбалар сериясини уюштирган ҳолда уни нокаутга учратди. Шу тариқа Адесаня фаолиятидаги навбатдаги мағлубиятини қабул қилиб олди.

Турнирнинг Co-main эвент жангида Шара Буллет номи билан машҳур бўлган россиялик Шарабутдин Магомедов Майкл Пейжга қарши октагонга чиқди.

Жанг тўлиқ давом этди ва унда Майкл Пейж ҳакамларнинг якдил қарори билан (30-27, 30-27, 29-28) ғалабага эришди. Бу Шара Буллет учун УФCъдаги илк мағлубият бўлди.

Марказий жанг, ўрта вазнда: Исраэл Адесаня (Нигерия, 24-4) ва Нассурдин Имавов (Франция, 15-4) .

Ўрта вазнда: Шарабутдин Магомедов (Россия, 15-0) вс Майкл Пейж (Буюк Британия, 22-3).

• Адесаня
• Саудия Арабистони
• UFC