Владимир Зеленский Украинадаги онлайн казиноларнинг ишлашини чеклаш тўғрисидаги фармонни имзолади. Шанба куни Зеленскийнинг “Украина миллий хавфсизлик ва мудофаа Кенгашининг 2024-йил 20-апрелдаги қарори тўғрисида”ги фармони эълон қилинди.

Ҳужжат кўра, Украина Вазирлар Маҳкамаси бир ой ичида қимор ўйинларини реклама қилишни чеклаш тартибини ишлаб чиқиши, бир киши учун бир нечта ҳисобларни рўйхатдан ўтказишни тақиқлаши, ўйин ташкилотчиларини ўйин вақтига чеклов киритиши, давлат мониторинг тизимини жорий қилиши ва қимор ўйинларига қарамлик хавфи тўғрисида умуммиллий ахборот кампаниясини ўтказиши шарт.

Бундан ташқари, АПУ бош қўмондони ҳарбий хизматчиларга онлайн казинолар ва бошқа ўйинларга киришни тақиқлашни буюрди.

Аввалроқ, Рада депутати Алексей Гончаренко олдинги сафда хизмат қилаётган АПУнинг ўнта аскаридан тўққизтаси қимор ўйинларига қарамликдан азият чекаётганини, онлайн казиноларда улар маошларини йўқотиб, кейин қарзга ботишларини айтган эди.

• Қимор
• Украина
• Зеленский