Дин ишлари бўйича қўмита тадбиркорлик субъектларидан ҳажга лицензиялар олиш учун аризаларни қабул қилишни бошлаганини эълон қилди.

Умра тадбирларини ташкил этиш ва ўтказиш учун лицензия юридик шахсларга берилади.

Лицензия олиш учун тақдим этилган ҳужжатлар:

- ариза. Аризада қуйидаги маълумотлар кўрсатилади: - юридик шахснинг номи ва ташкилий-ҳуқуқий шакли, жойлашган ери (почта манзили), фаолиятни амалга ошириш жойининг манзили, СТИР, банк муассасасининг номи ва банк ҳисобварағи, лицензия талабгорининг лицензия талаблари ва шартларига риоя қилишга розилиги; - тадбиркорлик субъекти раҳбари ва ходимларининг фамилияси, исми ва отасининг исми, туғилган йили, манзили, паспорт (идентификацияловчи ИД-карта) маълумотлари;

- лицензия талабгори томонидан Дин ишлари бўйича қўмитанинг “Зиёрат” жамғармасига 1 млн АҚШ доллари эквивалентидан кам бўлмаган миқдордаги маблағларни тўланганлигини тасдиқловчи ҳужжат.  - “Умра” тадбирлари давомида зиёратчиларга гуруҳ раҳбари этиб диний билим ва кўникмаларга эга мутахассисни жалб қилиш бўйича Ўзбекистон мусулмонлари идораси билан тузилган шартнома нусхаси;  - “Умра” хизматлари кўрсатиш бўйича Саудия Арабистони Подшоҳлиги Ҳаж ва умра вазирлигининг “Умра” лицензиясига эга бўлган ҳамкор ташкилот ўртасида имзоланадиган шартнома нусхаси; - зиёратчиларни ташиш ва парвозларни амалга ошириш бўйича авиакомпания(лар) тузилган ҳамкорлик шартномаси нусхаси; - тадбиркорлик субъектининг зиёратчиларга сифатли хизмат кўрсатиши учун замонавий жиҳозланган бинода фаолият юритиши тўғрисидаги маълумот; - тадбиркорлик субъектининг фуқаролик жавобгарлигини суғурталашни тасдиқловчи суғурта полисининг мавжудлигини тасдиқловчи ҳужжатлар нусхаси.

Аризани кўриб чиқиш учун тўланадиган йиғим миқдори - базавий ҳисоблаш миқдорининг 3 баравари.

Лицензия берилганлиги учун давлат божи миқдори - базавий ҳисоблаш миқдорининг 10 баравари.

Таъкидланишича, аризалар қўмита томонидан 2025 йил 7 мартдан 7 апрелгача қабул қилинади.

• лицензия
• Ўзбекистон
• Умра