UNICEF Сурияда эпидемия хавфи ҳақида огоҳлантирди.

Ташкилотнинг Яқин Шарқ ва Шимолий Африка бўйича минтақавий ваколатхонаси вакили Аммар Аммар Сурия халқи биринчи навбатда ичимлик суви ва озиқ-овқатга муҳтожлиги ҳамда зилзиладан сўнг мамлакатда эпидемия ривожланишидан хавотирда эканини маълум қилди.

“Агар ҳозир чора кўрмасак, миллионлаб одамларга таъсир қилиши мумкин бўлган эпидемиядан қўрқишимизга тўғри келади”, – деди жаноб Аммар “Ал-Жазира” телеканалига берган интервьюсида.

Қайд этиш мумкин, 6 февралга ўтар кечаси бир нечта кучли зилзилалар содир бўлиб, магнитудаси 7,8 баллга етди. Ҳозирда Туркияда 20 000 дан ортиқ, Сурияда 3 000 дан ортиқ одам ҳалок бўлган.

БМТ Бош котиби вакили Стефан Дюжаррик аввалроқ Суриядаги вазиятни ҳалокатли деб атаган эди. Сурия президенти Башар ал-Ассад эса Ғарб давлатларини вазиятни сиёсийлаштирганликда айблади.

• Suriya
• UNICEF