Урганч шаҳридаги АЁҚШда содир бўлган ёнғин ҳақида ФВВ расмий ахборот тақдим этди.

“Бугун, 8 август соат 19:47 да Хоразм вилояти, Урганч шаҳар, Жаннатмакон кўчасида жойлашган автомобилларга мобил ёқилғи қуйиш шохобчаси ҳудудида ёқилғи ташувчи автосистернадан ёқилғи сақлаш резервуарига бензин ёқилғисини тўкиш вақтида ёнғин келиб чиққанлиги тўғрисида ФВБга хабар тушган.

Шунга кўра, 5 та ёнғин-қутқарув экипажлари соат 19:50 да воқеа жойига етиб бориб, ёнғин соат 19:56 да қуршаб олинган ва соат 20:06 да ўчирилган.

Ёнғин натижасида мобилсистернада 3 тонна бензин ёқилғиси ёниб зарарланган.

Ёнғин оқибатида тан жароҳати олганлар тўғрисида хабар келиб тушмади.

Ёнғин сабаби ва зарари аниқланмоқда” – дейилади ФВВ берган расмий хабарда.

• AYQSh
• Бензин
• Urganch
• Хоразм