“Uzbekistan Airways” авиакомпанияси “Ёрқин пайшанба” акцияси доирасида Нукус, Самарқанд, Урганч ва Тошкентдан қатор халқаро ва маҳаллий рейсларга 20 фоизли чегирма тақдим этмоқда. Бу ҳақда компания матбуот хизмати хабар берди.

Қайд этилишича, бир кунлик акция давомида қуйидаги авиақатновларнинг тарифларидан 20 фоиз чегирма берилади:

• Нукусдан Истанбулга ва ортга;

• Самарқанддан Нижний Новгородга ва ортга;

• Урганчдан Бухорога;

• Тошкентдан Бухоро, Қарши, Наманган, Нукус, Самарқанд, Термиз, Урганч, Фарғона ва ортга.

Акция фақат бир кун — 20 июнь куни соат 00:00 дан 23:59 гача амал қилади. Чипталарни компания расмий веб-сайти орқали харид қилиш мумкин.

“Йўловчи ва юк ташиш тарифларига қўшимча равишда турли солиқлар, йиғимлар ва тўловлар ҳам ўрнатилади. 20% лик чегирма йиғимлар, солиқлар ва бошқа қўшимча тўловлар учун амал қилмайди”, дейилади хабарда.

• Uzbekistan airways
• chegirma