Uzbekistan Airways'нинг Жидда – Тошкент йўналишидаги самолётида техник носозлик кузатилган. Бу ҳақда авиакомпаниянинг матбуот хизмати хабар берди.

Хабарга кўра, 18 январь куни Жидда халқаро аэропортида самолётнинг техник носозлиги сабабли HY336 рейси кечиктирилган. Авиакомпаниянинг техник мутахассислари самолётни тиклаш ишларини олиб боришмоқда. Парвоз жадвали ҳақидаги батафсил маълумот кейинчалик тақдим этилади.

Ушбу кечикиш сабабли, фақатгина 2025 йил 19 январь куни HY333/334 рейслари қуйидаги жадвал бўйича амалга оширилади:

HY333 рейси:

Тошкентдан жўнаш: 11:30;

Дубайга етиб бориш: 14:05.

HY334 рейси:

Дубайдан жўнаш: 15:30;

Тошкентга етиб бориш: 19:40.

(Маҳаллий вақт бўйича)

• Samolyot
• Uzbekistan airways
• parvoz