“Барселона” устози Роберт Левандовскини дунёнинг энг яхши футболчиларидан бири деб билади.

Кеча Ла Лиганинг 7-туридан ўрин олган “Малёрка” – “Барселона” учрашувида (0:1) ҳужумчи ғалаба голини киритди.

“Левандовски яна ўзгариш қилди. Шунингдек, у жамоага ҳимоя чизиғини ушлаб туриш ва тўпни ҳаракатлантиришда ёрдам берди. “Барса” ажойиб ўйнамади, лекин яхши ўйин кўрсатди ва бу бизга жуда муҳим учта очкони қўлга киритишимизга имкон берди. Бу стадионда очко олиш жуда қийин.

Левандовски ўзига ишонч бағишлайди. У тўпурар, топ ўйинчи, энг зўр бўлмаса ҳам, дунёнинг энг яхшиларидан бири. У нафақат гол уради, балки жамоа учун ишлайди, босим ўтказади ва жамоадошларига ёрдам беради”, – деди “Барселона” бош мураббийи.

34 ёшли форвард жорий мавсумда “Барселона” сафида барча турнирларда 9 ўйинда 12 та гол урди ва 2 та голли узатмани амалга оширди.

• Барселона
• Футбол
• Левандовски
• Хави