Каталония клуби ЕЧЛ 3-тури доирасидаги “Интер”га баҳсдан сўнг, бир қатор кўрсаткичлар қайд этди.

“Барселона” Чемпионлар лигаси гуруҳ босқичи 3-туридан ўрин олган “Интер” билан ўйинда (0:1) 50 марта узатма амалга оширди.

Каталонияликлар 35 марта бевозсита ўйин пайтида, 15 тасини эса белгиланган стандарт вазиятлардан амалга оширган.

Қайд этиш мумкин, буларнинг ҳар иккиси ҳам Хавининг “Барселона” бош мураббийи бўлган давридаги рекорддир.

Ўз навбатида, ҳозирча Хави “Барселона” билан Чемпионлар лигасидаги бешта ўйиннинг фақат биттасида ғалаба қозонган ва гол ура олган холос.

“Барса” ушбу турнирда Хави қўл остида “Виктория Плзен” устидан қозонилган ягона ғалабани қўлга киритган – 5:1.

Қолган тўртта ўйинда “кўк-анорранглилар” бирорта ҳам гол ура олишмаган. Яъни жамоа “Бавария”га ютқазди (0:3) ва “Бенфика” билан дуранг ўйнади (0:0) ва “Интер”га имкониятни бой берди (0:1).

Шунингдек, “Барселона” Чемпионлар лигаси доирасида сафарда кечган учта ўйинда биронта ҳам гол ура олмади.

Бу кичик голсиз серия эса клубнинг Чемпионлар лигасидаги энг ёмон кўрсаткичидир.

Жамоанинг кейинги сафар учрашуви 1-ноябр куни Чехияда “Виктория Плзен”га қарши бўлиб ўтади.

Маълумот учун, айни пайтда “Барса” 3 очко билан ўз гуруҳида 3-ўринда бормоқда.

Улар пешқадам “Бавария”дан 6 очко, иккинчи ўриндаги “Интер”дан 3 очко ортда қолмоқда.

• Барселона
• Футбол
• статистика