Каховка ГЭСидаги "авария" туфайли Херсон вилоятининг Киев назорати остидаги қисмида 1,8 мингдан ортиқ уй сув остида қолди. Бу ҳақда Херсон вилояти ҳарбий бошқармаси бошлиғи Александр Прокудин ўзининг Telegram каналида хабар берди.

“Сув тошқини интенсивлиги пасайиб бормоқда. Аммо тўғон сезиларли даражада вайрон бўлмоқда, сув ҳали ҳам оқишда давом этяпти. Бизнинг прогнозларимизга кўра, яқин 20 соат ичида сув сатҳи яна бир метрга кўтарилади. Эрталабгача 1852 та уй сув остида қолган. Эрталаб соат 6:00 га қадар, 1457 киши эвакуация қилинди”, – деди Прокудин видеомурожаатида.

Россия томонига кўра, кеча, 6 июнь куни кечқурун Украина қўшинлари Каховка ГЭСига бир қатор ҳужумлар уюштирган, натижада станциянинг юқори қисми вайрон бўлган. Путиннинг матбуот котиби Дмитрий Песковнинг айтишича, Киев режимининг Каховка ГЭСини бомбардимон қилишдан мақсади Қримни сувдан маҳрум қилиш бўлган.

• Россия
• Украина
• сув_тошқини