The Wall Street Journal нашрининг экспертларга таяниб ёзишича, бу Хитой Коммунистик партиясининг ҳокимиятини мустаҳкамлаши ҳам, Пекиннинг ўзига зарар етказиши ҳам мумкин.

“Агар оғир вазиятларда халқ Коммунистик партияни қўллаб-қувватлашга сафарбар қилинса-ю, аммо вазият ижобий томонга ўзгармаса, вақт ўтиб, одамлар “айбни партияга юклаши” мумкин”, — дея фикр билдирди Сингапур Миллий университети сиёсатшуноси Жа Ян Чонг.

Бундан ташқари, ватанпарварлик кайфиятининг ўта кучайиши Пекиннинг ҳаракатларида манёвр қилиш имкониятини торайтиради ва Си Цзиньпин билан Доналд Трамп ўртасида эҳтимолий келишувга эришишни мураккаблаштиради. Чунки кучайиб бораётган антиамериканизм хитойлик амалдорларни ташқи босимга бўйсунгандек кўринмаслик учун янада қаттиқроқ позицияни эгаллашга мажбур қилиши мумкин.

“Пекин савдо урушини мафкуравий мусобақа сифатида кўрсатиб, унда ғалаба қозонишни Хитой Коммунистик партиясининг сиёсий қонунийлиги билан боғламоқда. Мутахассислар “Агар АҚШ ўз талабларидан воз кечмаса ва Хитой иқтисодиёти жиддий зарба олса, халқ бу ҳолатни қабул қиладими?” деган саволни илгари сурмоқда”, – деб ёзмоқда WSJ. 

• АҚШ
• Davlat boji
• Хитой
• mafkura
• savdo