Хитой Ташқи ишлар вазирлиги АҚШни тинчлик йўлида Украинага қурол етказиб беришни тўхтатишга чақирди. Бу ҳақда Хитой Ташқи ишлар вазирлиги матбуот котиби Мао Нинг маълум қилди.

Қайд этилишича, агар АҚШ ҳақиқатан ҳам Украинадаги можаро тезроқ тугатилишини истаса, у ҳолда улар Киевга қурол етказиб беришни тўхтатиши керак.

Унинг сўзларига кўра, Қўшма Штатлар Украинага қурол етказиб бериш орқали ҳарбий можарони узайтирмоқда.

“Қўшма Штатлар Украина инқирозининг ташаббускори ва энг катта ҳаракатлантирувчисидир. Украинага доимий равишда оғир ва ҳужумкор қуролларни юбориб, можаронинг давомийлиги ва интенсивлигини доимий равишда оширмоқда”, – деди ТИВ вакили.

Аввалроқ, “Bloomberg” вазиятдан хабардор манбаларга таяниб, Қўшма Штатлар Хитой давлат компанияларидан Россияга ёрдам кўрсатганлиги тўғрисида далиллар тўплагани ва Пекинга тақдим этгани ҳақида ёзган эди.

• АҚШ
• Bloomberg
• Россия
• Украина
• Хитой