Пекин шаҳрида 7 июнь куни Ўзбекистон Республикаси Транспорт вазири Илҳом Махкамов, Қирғиз Республикаси транспорт ва коммуникациялар вазири Тилек Тикебаев ҳамда “Хитой темир йўллари” давлат корпорацияси Бош муҳандиси ўринбосари Тсзюй Готсзян ўртасида учрашув бўлиб ўтди. Бу ҳақда Транспорт вазирлиги матбуот хизмати хабар берди.

Ушбу учрашувда уч мамлакат транспорт вазирликлари ҳамда темир йўл маъмуриятлари раҳбарлари Хитой – Қирғизистон – Ўзбекистон темир йўли қурилиши бўйича 6 июнь куни имзоланган ҳукуматлараро битимда белгиланган вазифаларни амалга ошириш ҳамда лойиҳани молиялаштириш механизмларини муҳокама этишди.

Муҳокамалардан сўнг, Хитой – Қирғизистон – Ўзбекистон темир йўли қурилиши лойиҳасини амалга ошириш бўйича “Йўл харитаси” ҳамда ишчи гуруҳни тузиш тўғрисидаги меморандум имзоланди.

• Битим
• Қирғизистон
• Transport vazirligi
• Хитой