Хитой ва Ўзбекистон ўртасида чиқиндилардан энергия ишлаб чиқариш бўйича меморандум имзоланди.

Экология, атроф-муҳитни муҳофаза қилиш ва иқлим ўзгариши вазирлигида Хитой Халқ Республикасининг “Chengdu Environment Investment Group” давлат корхонаси вакиллари билан учрашув бўлиб ўтди.

Қайд этилишича, ушбу учрашувда Ўзбекистонда чиқиндиларни бошқариш соҳасида амалга оширилаётган ислоҳотлар, инвестиция киритилиши мумкин бўлган соҳалар ҳамда инвесторларга тақдим этиладиган умумий преференциялар ҳақида маълумот берилган.

Бундан ташқари, Хитой компанияси бош директори Чен Шиэн Ўзбекистонда амалга оширилиши кутилаётган истиқболли режалар ҳақида сўз юритган. Шунингдек, чиқинди ташиш учун мўлжалланган полигонлар билан бир қаторда оқова сув тозалаш иншоотлари фаолиятига ҳам қизиқиш билдирилган.

Бундан ташқари, меҳмонлар Вазирлик ҳузуридаги Ситуатсион марказ, Санитар тозалаш ишларини ташкил этиш Республика маркази, чиқиндиларни бошқариш полигон дирекцияси фаолияти билан танишишди.

Ташриф якунида эса “Chengdu Environment Investment Group” давлат корхонаси таркибидаги “Chengdu Xingrong Renewable Energy Co.Ltd” ва “Chengdu Environment Investment Group” компаниялари билан Ўзбекистонда чиқиндилардан энергия ишлаб чиқариш лойиҳаларини ишлаб чиқиш ва амалга ошириш бўйича ҳамкорлик меморандуми имзоланган.

• Чиқинди
• Ҳамкорлик
• Хитой