Хитойда одамлар оломони устига машина ҳайдаган одамнинг ўлим жазоси ижро этилди. Ҳодиса 2024 йил ноябрь ойида Чжухай шаҳрида содир бўлган эди. Ҳодиса оқибатида жами 35 киши ҳалок бўлди, яна 43 киши яраланди.

Полиция ҳайдовчини жиноят жойидан қочишга уринганида ҳибсга олди. Жиноятчи 62 ёшли Фан Вейтсю бўлиб чиқди. 

Ушбу воқеадан сўнг Хитой Халқ Республикаси раиси Си Сзинпин айбдорни қаттиқ жазолашни талаб қилди. Шунингдек, у жабрланганларга ва ҳалок бўлганларнинг яқинларига ёрдам беришга чақирди.

20 январь куни Хитой Марказий телевидениеси Гуангдонг провинциясидаги Чжухай шаҳрининг Ўрта босқичли халқ суди Олий суд қарорига мувофиқ Фан Вейтсюга нисбатан чиқарилган ўлим жазосини ижро этганини хабар қилди.

• Жаҳон
• Хитой