Хоразм вилояти Тупроққалъа туманидаги мактабда ўқувчига қўпол муносабатда бўлиб, калтаклаган ўқитувчи ўз аризасига кўра ишдан олинди. Бу ҳақда вилоят Мактабгача ва мактаб таълими бошқармаси хабар берди.

Маълум қилинишича, ушбу воқеа 23 май куни Тупроққалъа туманидаги 6-сонли умумий ўрта таълим мактабида 6-синф ўқувчиларига география фани дарс машғулоти ўтказилаётган пайтда содир бўлган. Ўқитувчи мазкур синфнинг икки нафар ўқувчисига ўзаро гаплашиб ўтиргани учун танбеҳ бериб, уларга нисбатан қўпол муносабатда бўлган.

• Maktabgacha va maktab ta'limi vazirligi
• Хоразм