Бугун, 18 июнь куни соат 02:30 да Ҳазорасп тумани “Боғдор” МФЙ ҳудудида жойлашган “Ҳазорасп универсал савдо комплекси” АЖ ҳудудида ёнғин содир бўлаётганлиги тўғрисида ФВБга хабар тушган.

Маълум қилинишича, ёнғин-қутқарувчилар соат 02:35 да воқеа жойига етиб борган, ёнғин соат 04:04 да тўлиқ бартараф қилинган. Ходимларнинг саъй-ҳаракатлари натижасида ёнғин майдонини бошқа дўконларга ўтиб кенгайишининг олди олинган. Жумладан, савдо комплекси ҳудудининг 4200 кв.м майдони сақлаб қолинган.

Шунингдек, ёнғин натижасида 300 кв.м майдонда аралаш турдаги моллар савдо дўконлари ёниб зарарланган.

Ҳозирда ушбу ёнғиннинг юзага келиш сабаби ҳамда моддий зарар миқдори аниқланмоқда. Воқеа натижасида тан жароҳати олганлар ва ҳалок бўлганлар йўқ.

Хабарда айтилишича, ёнғин жойига вилоят ФВБ, ИИБ бошлиқлари ҳамда туман ҳокими чиққан.

• Бозор
• Хоразм
• ёнғин