Хорватияда мамлакат президенти сайловининг иккинчи тури бошланди. 29 декабрь куни бўлиб ўтган биринчи турда ҳозирги давлат раҳбари Зоран Миланович 49,09 фоиз овоз олди, Хорватия демократик Ҳамдўстлиги партияси номзоди Драган Приморатз 19,35 фоиз овоз тўплади.

Хорватияда 3,7 миллиондан ортиқ одам овоз бериш ҳуқуқига эга. Овоз бериш республика ҳудудидаги 6,7 мингдан ортиқ участкаларда ва бошқа 38 мамлакатда 105 та участкада ўтказилади. Хорватия президенти беш йил муддатга сайланади, у асосан вакиллик функцияларини бажаради, ички ва ташқи сиёсатни ҳукумат белгилайди.

• Хорватия
• saylov