Илгари олий таълимда 1 та ўрин учун камида 10 нафар йигит-қиз кураш олиб борар эди. Қисқа даврда олийгоҳлар сони 3 баробар оширилди. Тизимда қамров 42 фоизга етди.

“Хотин-қизларга контракти давлат томонидан қоплаб берилаётгани сабаб талаба қизлар сони 11 карра кўпайди. Мен бир ҳаётий фикрни такрорлашдан чарчамайман: битта қизни ўқитсак, бутун оилани ўқитган бўламиз. Оила билимли, маърифатли бўлса, бутун жамият билимли, маърифатли бўлади. Бу борадаги ишларни янада жадал давом эттирамиз”, – дейди Президент Кўксаройда бўлиб ўтаётган ёшлар билан учрашувда.

Шунингдек, ўтган 25 йил ичида давлат ҳисобидан 800 нафар ёшлар хорижга ўқишга юборилгани таъкидланди. Биргина “Эл-юрт умиди” жамғармаси орқали эса сўнгги 7 йилда 3 баробар кўп ўғил-қизлар бундай имкониятга эга бўлган.

Энди, Ёшлар агентлиги хорижда ўқиётган ҳар бир талабага бош-қош бўлиб, эҳтиёжларини аниқлаши, Ватанга қайтиб, ўз ўрнини топиши, муваффақиятли карера қилиши каби масалаларда Давлат хизматини ривожлантириш агентлиги билан тенг масъул бўлиши белгиланди.

• Шавкат Мирзиёев