Ижтимоий тармоқларда Янги Наманган тумани ҳокими Жобир Абдуллаевнинг тадбиркор Анасхон Дедабаевни куракда турмайдиган сўзлар билан ҳақорат қилган аудиоси тарқалди.

Кеча, 3 декабр куни ушбу масалада Наманган вилояти ҳокими Шавкатжон Абдуразоқов бошчилигида кенгайтирилган муҳокама йиғилиши ўтказилган.

Унда Янги Наманган тумани ҳокими Ж.Абдуллаевга “ҳайфсан” интизомий жазоси қўлланилиб, уч ой давомида барча турдаги рағбатлантиришлардан маҳрум қилинган.

Шунингдек, йиғилишда жорий йил давомида ижтимоий тармоқларда шаҳар ва туманлар ҳокимликлари, вилоят бошқармалари, тегишли ташкилотлар раҳбарларининг хатти-ҳаракатлари бўйича ёритилган масалалар ҳам атрофлича муҳокама қилинган.

“Ҳокимнинг бу қилиғини асло оқлаб бўлмайди. Бундай мавқедаги давлат хизматчиси аслида барчага ўрнак ва намуна бўлиши керак. Жумладан, муомала, аҳоли билан муносабат борасида ҳам. Наманганликлар фарзандларини ҳам сизлаб гапиради ахир”, – деган вилоят ҳокими.

• Ҳайфсан
• Ҳокимлик
• Наманган