Япониянинг Арманистондаги элчиси Фукусима Масанори ўз мамлакати Ереван ва Боку можаросини тинч йўл билан ҳал қилишда ёрдам беришга тайёрлигини айтди.

Таъкидланишича, Масанори яқинда Озарбайжоннинг ҳужумларидан зарар кўрган Арманистоннинг Геҳаркун вилояти аҳоли пунктларига ташриф буюрган. Дипломат вазиятдан хавотир билдирди ва Токионинг можарони тинч йўл билан ҳал қилишга ёрдам беришга тайёрлиги ҳақида гапирган.

Япония элчиси Арманистон бош вазири ўринбосари Амбартсум Матевосян билан суҳбатда, шунингдек, икки мамлакатнинг инсоний алоқаларини, шу жумладан ёшлар алмашинуви дастурларини кенгайтириш муҳимлигини таъкидлаган.

Арманистон ва Озарбайжон чегарасидаги вазият 2022-йил 13-сентябрга ўтар кечаси кескинлашди. Томонлар бир-бирларини провокация ва тажовузда айблашди. Арманистон эса эскалация пайтида 105 кишини йўқотди.

• Арманистон
• Озарбайжон
• Япония