Япония бош вазири Фумио Кисида Украина президенти Владимир Зеленскийни G7 саммитига таклиф қилди. Бу ҳақда Bloomberg ёзмоқда.

"Япония Украинани тинчлик ўрнатилмагунча қўллаб-қувватлашда давом этади", – деди Кисида Киевда Зеленский билан бўлиб ўтган матбуот анжуманида.

Япониялик сиёсатчининг таклифи унинг Киевга ташрифи чоғида билдирилган. Бу унинг Украинада ҳарбий ҳаракатлар бошланганидан бери у ерга илк сафари.

Шунингдек, қўшма матбуот анжумани чоғида Кисида Япония ҳукумати Киевга энергия ва бошқа гуманитар эҳтиёжлар учун 470 миллион ва ҳалокатли бўлмаган ускуналар учун яна 30 миллион доллар хайрия қилишига ваъда берди.

Маълумот учун, G7 саммити 2023 йилнинг июнь ойида Хиросима шаҳрида бўлиб ўтиши керак.

• G7
• Украина
• Япония