Тошкент шаҳри Яшнобод туманида парфюмерия дўкони қасддан ёқиб юборилган маълум бўлди. 18-август куни ушбу жиноятнинг ижтимоий тармоқларда кузатув камерасидан олинган видеолари тарқалган эди. Ёнғин натижасида дўконнинг бир қисми ва қўшни дўконлар зарар кўрган.

Жиноятни содир этган шахс 41 ёшда эканлиги ва илгари ҳам судланганлиги аниқланди. Шу куни у тунда дўконга велосипедда келиб, эшик ойналарини синдиради ва ўт қўяди.

Текширув ва терговлар натижасида жиноятчи унга ушбу дўконнинг мижозлари ёқмаганлиги ва шу сабабдан шу жиноятни содир этганлигини тан олди.

“Мен бир неча кун дўконни ва бу ерга ташриф буюраётганларни кузатдим, улар менга ёқмади. Кечқурун бензин билан келдим, дўкон эгасини огоҳлантирмоқчи эдим. Бу парфюмерия дўкони эканлигини биласдим, бундай катта ёнғин бўлади деб ўйламагандим.

Текширувларга кўра ёнғин 4 миллиард сўм зарар етказган. Тергов тадбирлар давом этмоқда.

• Тошкент
• Яшнобод тумани
• ёнғин