Ясси оёқлик — оёқ панжаси шаклининг ўзгариши бўлиб, унинг бўйлама ва кўндаланг ёйининг пасайиши билан ифодаланади.
Кўндаланг ва бўйлама яссиқ оёқлик ажратилади, бу иккала шаклнинг биргаликда кузатилиши эҳтимоли ҳам мавжуд. Оёқ панжасининг бошқа деформациялари билан биргаликда кўндаланг ясси оёқлик 55,23%, бўйлама ясси оёқлик — 29,3% ҳолларни ташкил этади.
Ясси оёқликнинг белгилари:
· Оёқ, тизза, сон ва белдаги оғриқ;
· Нотабиий юриш ва қомат;
· Чўккалаб ўтиришдан кўра эгилиш осонроқ, ўтирган ҳолатда мувозанатни сақлаш қийинлиги.
· “Оғир” юриш.
· Юриш пайтида маймоқлик.
· Ясси оёқлик тирноқларнинг ичкарига ўсишига олиб келади.
Кўпинча ясси оёқлик орттирилган бўлади, лекин асосан бириктирувчи тўқиманинг туғма етишмовчилиги, нозиклик фонида ривожланади. Бундай оёқ кўпинча «аристократик» деб ҳам аталади.
Суяклари нозикроқ бўлганлиги сабабли, аёлларда ясси оёқлик эркакларга қараганда 4 марта кўпроқ учрайди.
Ушбу патология ривожланишига ҳисса қўшадиган салбий омилларидан бири — нотўғри тайёрланган пойабзал ҳисобланади. Урф дея баланд пошнали ва учи тор бўлган пойабзал кийиш натижасида юк бутун оёқ панжасига эмас, оёқ кафти суякларининг бошчасига тушади, натижада ясси оёқлик ривожланади.
Пошнаси 4 см.дан баланд бўлмаган пойабзал “соғлом” деб ҳисобланади. Афсуски, кўплаб фабрикалар педиатр-шифокорларнинг тавсияларига амал қилмаган ҳолда пойабзал ишлаб чиқармоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!