21 февраль, сешанба оқшомида Европа Чемпионлар Лигасининг 1/8 финал дастлабки учрашувларидан ўрин олган икки беллашув ўтказилди.

Улардан бирида «Ливерпул» ўз майдонида «Реал»ни қабул қилди. Учрашув аввалида мезбонлар 2 та гол уришга муваффақ бўлди.

Сўнгра эса «Реал» ирода намойиш этган ҳолда 2 та тўп фарқини йўққа чиқарди ва «Ливерпул» дарвозасига 5 та гол киритиб, меҳмондан ишончли ғалаба билан қайтди.

Куннинг иккинчи ўйини «Айнтрахт» ва «Наполи» жамоалари ўртасида кечди. Виктор Осимҳен ва Жованни ди Лоренсонинг голлари неаполликларнинг ишончли ғалабасини таъминлади.

Қайд этиш мумкин, мазкур жуфтликлар ўртасидаги жавоб баҳслари 15 март оқшомида ўтказилади.

«Ливерпул» (Англия) – «Реал Мадрид» (Испания) 2:5

Голлар: 1:0 – 4 Нунес, 2:0 – 14 Салоҳ, 2:1 – 21 Виниcиус Жуниор, 2:2 – 36 Винициус Жуниор, 2:3 – 47 Милитао, 2:4 – 55 Бензема, 2:5 – 67 Бензема.

«Айнтрахт Ф» (Германия) – «Наполи» (Италия) 0:2

Голлар: 0:1 – 40 Осимҳен, 0:2 – 65 Ди Лоренсо.

Ўз навбатида, бугун 1/8 финалидан ўрин олган яна икки ўйин, «Интер» – «Порту» ҳамда «Лейпциг» – «Манчестер Сити» қарама-қаршилигин бўлиб ўтади.

• Футбол
• Liverpul
• Real
• ЕЧЛ