Ўзбекистонда йил охиригача қурилиш материаллари экспортини 1,2 миллиард долларга етказиш режалаштирилган. Бу ҳақда Ўзбекистон Республикаси Президенти матбуот хизмати хабар берди.

Қурилиш материаллари соҳасида умумий қиймати 2,4 миллиард доллар бўлган 312 лойиҳани ишга тушириш режалаштирилган. Бу маҳсулот ишлаб чиқариш ҳажмини 53 триллион сўмга етказиш имконини беради.

Бундан ташқари, давлат раҳбари маҳсулот сифатини назорат қилиш мақсадида “Шаффоф қурилиш” платформасида ишлаб чиқарувчилар реестрини яратиш бўйича топшириқ берди.

Президент, шунингдек, геология, энергия самарадорлиги ва қурилиш материаллари ишлаб чиқаришга илмий ёндашув муҳимлигини таъкидлади.

• Ўзбекистон
• Шавкат Мирзиёев