Кеча, 31 май оқшомида Европа Лигаси финал босқичи доирасида “Рома” ва “Севиля” жамоалари ўзаро баҳс олиб борди.

Дастлаб, учрашувнинг 34-дақиқасида римликлар сафида Пауло Дибала ҳисобни очди.

Иккинчи бўлимда уюштирилган кўплаб хавфли ҳужумлар эвазига 55-дақиқада Жанлука Манчини ўз дарвозасини ишғол қилиб қўйди ва ҳисоб тенглашди. Қолган дақиқалар, ҳатто экстра таймларда ҳам дарвозаларга гол киритилмади.

Ғолиб номи пенальтилар сериясида аниқланадиган бўлди. “Футбол лотереяси”да “Севиля” 4:2 ҳисобида зафар қучиб, Европа Лигаси соҳибига айланди.

Қайд этиш мумкин, Еврокубок финалларида умуман ютқазмаган Жозе Мауриньо ҳамда унинг жамоаси устидан эришилган ғалаба андалусияликлар учун мазкур мусобақадаги еттинчи чемпионлик бўлди.

Европа Лигаси

Финал, 31 май, чоршанба

“Севиля” (Испания) – “Рома” (Италия) 1:1

Пенальтилар серияси: 4:2

Голлар: 0:1 – 34 Дибала, 1:1 – 55 Манчини (автогол).

• Футбол
• Рома
• Севилия
• Европа Лигаси