Кеча, 11 май оқшомида Европа Лигаси ярим финал босқичининг дастлабки ўйинлари бўлиб ўтди.

“Рома” ўз майдонида “Байер”ни қабул қилди ва кичик 1:0 ҳисобида ғалаба қозонди. Учрашувдаги ягона голга Эдуардо Бове муаллифлик қилди.

“Ювентус” эса ўз уйида “Севилья” билан баҳс олиб борди. Беллашувнинг 26-дақиқасида Испания клуби футболчиси Юсуф Эн-Несири ҳисобни очди.

Учрашувнинг асосий вақтига қўшиб берилган еттинчи дақиқада эса Федерико Гатти ўз голи билан “Ювентус”ни мағлубиятдан қутқариб қолди.

Қайд этиш мумкин, жамоалар ўртасидаги жавоб учрашувлари 19 май куни ўтказилади.

Европа Лигаси

Ярим финал, дастлабки ўйинлар

11 май, пайшанба

“Рома” – “Байер” 1:0

Гол: Эдуардо Бове, 63ʼ

“Ювентус” – “Севилья” 1:1

Голлар: Эн Несери, 26ʼ, 0:1, Федерико Гатти, 90+7, 1:1.

• Футбол
• Севилия
• Европа Лигаси
• Ювентус