Бугун ижтимоий тармоқларда Фарғона вилоятида ЙПХ инспектори автоҳалокат содир этиб, воқеа жойидан қочиб кетган, деган мазмундаги видеолар тарқалди. Ушбу ҳодиса бўйича Фарғона вилояти ИИБ Ахборот хизмати Xabardor.uz га расмий муносабат йўллади.

Маълум бўлишича, жорий йилнинг 2 январь куни ЙПХ инспектори сафдор Т.Т. ўзига бириктирилган "Lacetti" русумли хизмат автомашинасини Фурқат тумани Айритом қишлоғи ҳудудида бошқариб кетаётиб, қарама-қарши йўналишда ҳаракатланиб келаётган Ж.С. бошқарувидаги "Nexia-2" русумли автомашина билан тўқнашиб, йўл-транспорт ҳодисасини содир этган.

Ҳодиса оқибатида тан жароҳати олганлар йўқ.

Мазкур ҳолат юзасидан прокуратура органлари томонидан терговга қадар текширув ҳаракатлари олиб борилмоқда.

• Фарғона
• ЙПХ
• YTH