Актриса Юлдуз Ражабова оғир касалликка чалингани ҳақидаги миш-мишларга ойдинлик киритди. Ижодкорнинг айтишича, ҳақиқатдан ҳам кўп йиллардан бери оғир касалликдан азият чекиб келади.

"Тўғри. Кўп йиллардан бери бош оғриқларидан қийналаман. Лекин бу мигренга боғлиқ. Мигренга чалинган инсонлар мени яхши тушунишлари мумкин. Бу оғриқ билан ҳеч нарса қила олмайсиз. Баъзида шунчалик оғрийдики, ҳеч қандай дори ёрдам бермай қолади.

Касалликнинг давосини топишга ҳаракат қилдим. Лекин нимагадир ёрдам бермади. Қийин. Биласизми, бир нечта шифокорга мурожаат қилганимдан кейин шундай фикрга келдимки, бу тузаладиган касаллик эмас. Қандайдир усуллар билан оғриқни камайтириш мумкин, 6 ойлик уколлар бор, уларнинг ёрдамида 6 ой давомида бошингиз оғримайди", деди ижодкор.

Актриса айни вақтда касалликка қарши мана шу усуллардан фойдаланаётганини айтиб ўтган.

• Шоу-бизнес
• машҳурлар