Тошкент шаҳрининг Юнусобод туманидаги айрим ҳудудларда электр таъминоти вақтинча тўхтатилди. Бу ҳақда “Тошкент шаҳар электр тармоқлари” МЧЖ хабар берди.

Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш мақсадида, 14 октябрь куни қуйидаги манзилларда электр таъминоти вақтинча ўчирилган.

Юнусобод тумани: “Шарқ ҳақиқати”, “Катта Ҳасанбой”, “Исломобод”, “Адолат”, “Учқаҳрамон” ҳамда “Нурмакон” МФЙларининг айрим ҳудудларида соат 09:00 дан 18:00 гача.

Шунингдек, “Тошкент шаҳар электр тармоқлари” МЧЖ мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.

• Электр энергияси