Украина президенти Володимир Зеленский АҚШ Конгрессининг юқори ва қуйи палатаси олдида видео нутқ сўзламоқчи. Бу ҳақда Вакиллар палатаси ва Сенатдаги етакчилар маълум қилган.

“Биз Вакиллар палатаси ва Сенатнинг барча аъзоларини 16 март, чоршанба куни соат 9:00 да (Тошкент вақти билан 20:00) Украина президенти Володимир Зеленскийнинг АҚШ Конгрессига виртуал мурожаатида иштирок этишга таклиф қиламиз”, – дейилади Ненси Пелоси ва Чак Шумер томонидан имзоланган мактубда.

Қайд этилишича, бугун, 14 март куни Украина раҳбарининг Европа Кенгаши Парламент Ассамблеяси (PAEU) сессиясида нутқ сўзлаши кутилган, бироқ бу амалга ошмаган.

Ассамблея спикери Тини Конснинг айтишича, Зеленский ўрнига бош вазир Денис Шмигал сўзга чиқади.

Қайд этиш мумкин жорий йилнинг 24 февраль куни Россия президенти Владимир Путин ЛХР ва ДХР раҳбарларининг ёрдам сўровига жавобан Донбассни ҳимоя қилиш бўйича махсус ҳарбий операция ўтказилишини маълум қилган эди.

Шундан сўнг, томонлар уч марта ўзаро музокара ўтказди. Бироқ ҳали аниқ бир қарор имзоланмаган.
 

• АҚШ
• Украина
• Европарламент
• Зеленский