Украина президенти Владимир Зеленский Америка Қўшма Штатлари Украина минерал захираларининг 50 фоизини олиш ҳуқуқини берувчи шартномани имзолашдан бош тортди. Бу ҳақда The Washington Post шарҳловчиси Жош Рогин Х тармоғида маълум қилди.

“Мюнхендаги бир нечта қонунчилар менга АҚШ Конгресси делегацияси Зеленскийга имзо чекмоқчи бўлган қоғозни топширганини ва АҚШга Украинанинг келажакдаги минерал захираларининг 50 фоизига ҳуқуқ беришини айтишди. Зеленский хушмуомалалик билан уни имзолашдан бош тортди”, - деди журналист.

Америкалик сенатор Браян Шатс Мюнхенда Владимир Зеленский билан учрашгандан сўнг, АҚШ президенти Доналд Трампнинг таклифи қайта кўриб чиқилиши кераклигини айтди, аммо тафсилотлар ҳақида гапиришдан бош тортди. Шунингдек, у Зеленскийнинг битимнинг бир томонлама эканлиги тўғрисидаги даъволари адолатли эканлигини айтди.

• АҚШ
• Украина
• Зеленский