WSJ газетасининг ёзишича, Зеленский ўз халқи ишончини йўқотмаган ҳолда Оқ уйнинг таклифига конструктив ёндашмоқчи эканини қайд этган.

“Хусусан, Зеленский Украинада сайлов ўтказишга тайёр, аммо бунинг учун аввал ўт очишни тўхтатиш керак. Украина президентининг фикрича, кенг кўламли урушнинг илк кунларида эгаллаб олинган Запорижжя атом электр станциясида Россиянинг маълум бир иштирокини сақлаб қолинишига рози бўлиш мумкин, аммо АЭС Украина ва АҚШ томонидан назорат қилиниши керак. Зеленский, шунингдек, Украина армиясидаги ҳарбийлар сонига чеклов ўрнатилишига рози, аммо бу чегара ҳозирги даражада бўлиши керак”, – дейилади мақолада.

АҚШ Донбасснинг Украина назоратида қолаётган қисмини “эркин иқтисодий зона” ёки “қуролсизлантирилган ҳудуд”га айлантиришни таклиф қилган. АҚШ режасига кўра, Украина Донбассдан ўз қўшинларини олиб чиқиб кетади, Россия ҳарбийлари ҳам бу ҳудудга кира олмайди.

The Wall Street Journal манбасига кўра, Украина президенти бу таклифни бутунлай рад этмаган ва Вашингтондан тўлиқроқ маълумот беришни сўраган. Зеленский агар Украина Донбассдан кетадиган бўлса, Россия қуролли кучларининг олдинга силжишига ёки ҳудудни назорат қилиш учун фуқаролик ниқоби остида киришга Москвага нима тўсқинлик қилиши ҳақида савол қўйган.

• АҚШ
• Путин
• Россия
• Таклиф
• Трамп
• Украина
• Зеленский