Кеча, 9 сентябрь куни Молдовадан Норвегияга учаётган Зеленскийнинг самолёти дрон билан тўқнашиб кетишига бир бахя қолди ва рейс кечиктирилди.

Унинг самолёти Молдовадан учиб кетаётганида дрон томонидан уриб туширилишига оз қолган.

Норвегия Бош вазири Жонас Гар Стёре НРКга берган интервьюсида шундай деди: “Унинг самолёти Молдовага учиши керак бўлган пайтда дрон билан тўқнашишига сал қолди”.

Ҳозирча бу ҳолат атайин уюштирилганми ёки тасодифми воқеага аниқлик киритилмаган. НРК шунингдек, Украина президентлик девони ва Украина элчихонаси билан боғланган, аммо ҳали жавоб олмаган.

Украина ҳукумати вакили чоршанба куни кечқурун Reuters агентлигига Зеленскийнинг Норвегияга учаётган парвози дрон огоҳлантириши туфайли кечиктирилганини тасдиқлади.

Матбуот котибининг сўзларига кўра, Зеленскийнинг парвозига Россия дрони Молдова ҳудудига қулагани тасдиқланганидан кейин рухсат берилган.

BBC хабар беришича, чоршанба куни кечқурун Россия дронлари Молдова ва Украина ўртасидаги чегара ҳудудига ҳужум қилган.

Молдова Мудофаа вазирлиги ҳам Зеленскийнинг самолёти парвоз қилиши режалаштирилган вақтда дрон мамлакат ҳаво ҳудудини бузиб кирганини ёзди.

• Молдова
• Норвегия
• Samolyot
• Украина
• Зеленский
• дрон