Лифт промотионс ўзининг 2-турнирини ўтказди.

2 декабр оқшомида Ҳумо аренада Лифт промотионс промоутерлик компанияси ўзининг навбатдаги турнирини ўтказди.

Ушбу кечадан жами 10 та жанг ўрин олди.

Асосий кардда Мужибилло Турсунов финал йўлланмаси учун Шоҳруҳбек Кенжаевга қарши чиқди. Жанг 2-рауннда ниҳоясига етди, сабабики, Шоҳруҳбек жиддий жароҳат олди ва унинг мураббийлари жангни тўхтатишга мажбур бўлди. Шу тариқа Мужибилло турнир финалига йўл олди. Сўнгги босқичда уни қозоғистонлик Дилшат Нурим кутиб туради.

Кечанинг "co main event"ида эса арманистонлик Ованес Бачков рақиби мексикалик Гонсалес Баррасага қарши рингга чиқиб муддатидан олдин ғалаба қозонди ва Интерcонтинентал WBА камари учун муҳим рейтинг очкосига эга чиқди.

Турнирнинг марказий жангида эса Олимпиада ўйинлари чемпиони Фазлиддин Ғойибназаров рақиби Жамшидбек Каримовга қарши рингга кўтарилди. 10 раундга мулжалланган жанг шуддатларга бой ҳолда тўлиқ бўлди ва унда Фазлиддин Ғойибназаров очколар ҳисобига кўра ғалаба қозонди.

• Бокс
• Лифт Промотионс
• Ўзбекистон