O‘zbekistonda kichik yoshidagi bolalar grippga qarshi bepul emlanadi. Bu haqda Maktabgacha ta’lim vazirligi o‘zining rasmiy telegram kanali orqali xabar bermoqda.

Mamlakat hududida gripp yuqtirish va uning og‘ir asoratlarining oldini olish maqsadida barcha maktabgacha ta’lim yoshidagi va 1-sinf o‘quvchilarini grippga qarshi bepul markazlashgan holda emlash amalga oshirilishi rejalashtirilgan.

Buning uchun Respublika miqyosida 2 753 ta emlash punktlari tashkil etilgan bo‘lib, emlash ishlarini amalga oshirish uchun Rossiyadan 2 mln doza vaksina olib kelinishi mo‘ljallangan.

Eslatib o‘tamiz, bunda mulkchilik shaklidan qat’iy nazar barcha maktabgacha ta’lim muassasalari va umumta’lim maktablari qamrab olinadi.