Avstriya poytaxti Venada oxirgi ikki haftadan buyon majburiy emlanishga qarshi norozilik namoyishi o‘tkazilmoqda. O‘tgan shanba kuni ham 40 mingdan oshiq odam COVID-19'ga qarshi majburiy vaksinatsiya yoki emlanmaganlar uchun uy izolyatsiyasiga qarshi o‘z noroziligini bildirgan.

Namoyishchilar qo‘llarida emlanishga qarshi shiorlar yozilgan taxtalar ko‘tarib chiqqanlar. Ulardan birida: "Vaksinatsiyaga yo‘q, fashizmga yo‘q" deb yozilgan, boshqasida esa "Men neonatsist emasman, bezori ham, men erk va vaksinatsiyaga qarshi kurashmoqdaman" deya fikr ifodalangandi.

 Yevroittifoq mamlakatlari ichida birinchi bo‘lib koronavirusga qarshi majburiy vaksinatsiya haqidagi rejalarini e’lon qilganidan so‘ng, Avstriya shaharlarida har dam olish kunlari ommaviy norozilik namoyishlari o‘tkazilib kelinmoqda.

Ma’lumotlarga ko‘ra, 2022-yilning 1-fevralidan 14 yoshdan yuqori bo‘lgan barcha avstriyaliklar emlanishi shart. Istisno holatlari faqat tibbiy raddiyasi borlarga qilinadi. 

Emlanmagan fuqarolar esa 3600 yevro qiymatidagi jarimani to‘lashga majbur etiladi.

• Vaksina
• Yevroittifoq
• Yevropa