Shota Rustaveli ko‘chasida davom etayotgan qurilish-montaj ishlari sababli dam olish kunlarida Sh.Rustaveli va Bobur ko‘chalari chorrahasida quyidagi cheklovlar amal qiladi:

1. Bobur ko‘chasining Sh.Rustaveli ko‘chasi chorrahasidan Nukus ko‘chasi bilan kesishmasigacha bo‘lgan bir tomonlama yo‘nalish qismi 25-iyul 22:00 dan 26-iyul 06:00 gacha yopiladi (ko‘rsatilgan davr mobaynida boshqa yo‘nalish ishtirokchilariga chorraha orqali faqat o‘ngga burilishga ruxsat etiladi);

2. 25-iyul 22:00 dan 28-iyul 03:00 gacha chorraha orqali:

- Bobur ko‘chasi yo‘nalishida harakatlanganda to‘g‘riga va chapga harakatlanish mumkin emas (o‘ngga burilishga ruxsat etiladi);

- Sh.Rustaveli ko‘chasi yo‘nalishida harakatlanganda chapga burilish mumkin emas (to‘g‘riga va o‘ngga harakatlanishga ruxsat etiladi).

Qurilish-montaj ishlarining chorrahalardagi qismlari imkon qadar harakatni butunlay to‘xtatib qo‘ymagan holda hamda noqulayliklarni kamaytirish maqsadida aynan dam olish kunlarida amalga oshirilmoqda.

“Noqulayliklar uchun uzr so‘raymiz” – deyiladi hokimlik bayonotida.

• Bayonot
• Hokimlik
• Yo‘l-qurilish
• ta’mirlash