Bosh prokuratura huzuridagi Departamentning Bekobod tumani bo‘limi tomonidan o‘tkazilgan tergovga qadar tekshiruvda ”N.S.” oilaviy korxonasi rahbari Sh.D. xususiy klinik shifoxonasida tijorat maqsadida elektr tarmog‘iga o‘zboshimchalik bilan to‘g‘ridan-to‘g‘ri ulanib, 286,6 mln so‘mlik elektr energiyasidan noqonuniy foydalanganligi aniqlangan.

Shuningdek, Departamentning Kasbi va Muborak tumani bo‘limlari tomonidan o‘tkazilgan tergovga qadar tekshiruvlarda “M.M.” fermer xo‘jaligi rahbari M.A. va fuqaro D.O. yer maydonlarida tijorat maqsadida suv nasosini umumiy foydalanishdagi elektr tarmog‘iga o‘zboshimchalik bilan to‘g‘ridan-to‘g‘ri ulab, jami 227,8 mln so‘mlik elektr energiyasidan noqonuniy foydalanganliklari aniqlangan.

Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.

• Elektr energiyasi
• Elektr stansiya
• Elektronika
• elektr