Braziliya Oliy sudi davlat to‘ntarishiga urinishda ayblanayotgan Jair Bolsonaro ijtimoiy tarmoqlardagi postlari orqali ilgari qo‘yilgan taqiqni buzganligi haqida hukm chiqargan.

Sudning ta’kidlashicha, Bolsonaro parlament a’zolari bo‘lgan uchta o‘g‘lining akkauntlaridan Braziliya adliya tizimiga hujum qiluvchi xabarlarni tarqatish uchun ishlatgan. Bir holatda Bolsonaro o‘g‘lining akkauntidan mitingga chiqqan o‘z tarafdorlariga videoaloqa orqali murojaat qilish uchun foydalangan.

Ma’lumot uchun, Jair Bolsonaro 2022-yilda Braziliyadagi prezidentlik saylovlarida yutqazgan. Lula da Silva yangi davlat rahbari sifatida inauguratsiya qilganidan bir hafta o‘tib Bolsonaroning tarafdorlari namoyish va tartibsizliklar uyushtirgan edi.