Oliy Sud matbuot xizmatining xabariga ko‘ra, 2023-yil 11-aprelda Prezident tomonidan imzolangan Qonunga muvofiq, Ma’muriy javobgarlik va Jinoyat kodekslariga oilaviy zo‘ravonlik, shahvoniy shilqimlik va sha’nini kamsitish kabi holatlar uchun maxsus moddalar kiritilgan.

Ma’lum qilinishicha, 2025-yilning birinchi yarmida mazkur moddalar asosida quyidagi huquqbuzarliklar aniqlangan.

Shahvoniy shilqimlik (41-1-modda): 986 nafar shaxs javobgarlikka tortilgan bo‘lib, shundan 358 nafariga jarima, 628 nafariga ma’muriy qamoq jazosi qo‘llanilgan.

Oilaviy zo‘ravonlik (59-2-modda): 4 952 nafar shaxsga nisbatan chora ko‘rilgan, ularning 3 200 nafariga jarima, 1 752 nafariga ma’muriy qamoq belgilangan.

Jinoiy javobgarlik (126-1 va 141-3-moddalar): 330 nafar shaxs sudlangan, ulardan 89 nafari ozodlikdan mahrum etilganligi bildirildi.

• Jinoyat
• Oliy sud
• statistika