35°
Kechasi 21°
Rossiyaning Kamchatka o‘lkasi qirg‘oqlari yaqinida yuz bergan zilzila oqibatida O‘zbekiston fuqarolari orasida jarohatlangan yoki vafot etganlar yo‘q. Vladivostokdagi bosh konsulxona ushbu hududlarda vaqtincha bo‘lib turgan fuqarolarni FVV ko‘rsatmalariga rioya qilishga va xotirjamlikni saqlashga chaqirdi.
Rossiyaning Kamchatka o‘lkasi qirg‘oqlari yaqinida yuz bergan zilzila oqibatida O‘zbekiston fuqarolari orasida jarohatlangan yoki vafot etganlar yo‘q. Bu haqda O‘zbekistonning Vladivostok shahridagi bosh konsuli Yusup Kabuljanov ma’lum qildi.
Bosh konsulxona Kamchatka o‘lkasi va Saxalin viloyati hududida vaqtincha bo‘lib turgan O‘zbekiston Respublikasi fuqarolarini favqulodda vaziyatlar xizmatlari ko‘rsatmalariga rioya qilishga va xotirjamlikni saqlashga chaqiradi.
Zarur hollarda O‘zbekiston fuqarolari O‘zbekiston Respublikasining Rossiya Federatsiyasi Vladivostok shahridagi bosh konsulxonasiga quyidagi telefon raqamlari murojaat etishlari mumkin:
+7(423) 260−48−00
+7(902) 078−70−07.
Eslatib o‘tamiz, Kamchatka sohillari yaqinida 30-iyulga o‘tar kechasi magnitudasi turli hisob-kitoblarga ko‘ra 8,8 ga yetgan zilzila sodir bo‘ldi. Bu Kamchatka seysmofaol zonasida 1952-yildan beri qayd etilgan eng kuchli zilzila bo‘ldi va ehtimol, 2011-yil mart oyidan beri sodir bo‘lgan dunyodagi eng kuchli zilzila hisoblanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
