Ukraindagi korrupsiyaga qarshi kurash bo‘yicha nodavlat tashkilotlar hisoblangan “НАБУ” va “САП” dronlarni sotib olish bo‘yicha korrupsiyaviy sxemada gumon qilingan to‘rt kishini hibsga oldi.

Milliy korrupsiyaga qarshi byuro(НАБУ) va ixtisoslashtirilgan korrupsiyaga qarshi prokuratura(САП) Ukraina xalq deputatlari, tuman hamda shaharlardagi harbiy va fuqarolik ma’muriyatlarining rahbarlari, milliy gvardiya harbiy xizmatchilarining bir qancha vakillari pora bilan qo‘lga tushganliklarini e’lon qildi.

Mazkur tashkilotlar kuchli noroziliklar fonida hibsga olinganlarning ismlarini aytmadilar.

Ammo qo‘lga olinish voqeasidan atigi bir necha soat vaqt o‘tib, “Xalq xizmatchisi“ fraksiyasi rahbari David Araxamiya partiya deputati Aleksey Kuznetsovning partiyaga a’zoligi to‘xtatilganini e’lon qildi.

Shunga ko‘ra, tahlilchilar qo‘lga olinganlardan biri aynan Kuznetsov ekanligini ta’kidlamoqda.

Korrupsiyaga qarshi kurash bo‘yicha ikki mustaqil tashkilotning hisobotlarida aytilishicha, dronlar bo‘yicha shartnomalar atayin oshirilgan narxlarda tuzilgan va shartnomaning 30 foizigacha miqdorida sxema ishtirokchilariga qaytarilish shaklida bo‘lgan.

• Qurol
• Ukraina
• Urush
• dron