O‘zbekiston Respublikasi Qishloq xo‘jaligi vazirligi ijtimoiy tarmoqlarda tarqatilgan “Paxta terimi uchun kilogrammiga 1 800 so‘m to‘lanadi” mazmunidagi xabar yuzasidan quyidagilarni ma’lum qildi:

“Joriy yilda paxta terimi narxlari quyidagicha belgilandi:

– Mashina yordamida terilgan paxtaning 1 kg uchun – 1 373 so‘m;

– Qo‘l mehnati bilan terilgan paxtaning 1 kg uchun – 2 000 so‘m tavsiyaviy narx belgilangan bo‘lib, terim vaqtida klaster, fermer xo‘jaligi rahbarlari va terimchilar o‘rtasida o‘zaro kelishuv asosida terim narxi mustaqil belgilash amaliyoti ham qo‘llaniladi;

– Shuningdek, paxta yetishtirish xarajatlarini qoplash maqsadida davlat byudjeti hisobidan 1 kilogramm paxta uchun 1 000 so‘m subsidiya ajratiladi.

Ushbu tartib paxta yetishtiruvchilar manfaatini himoya qilish, terimchilar mehnatini rag‘batlantirish va agrar sohada barqarorlikni ta’minlashga qaratilgan”.

Vazirlik, shuningdek, ijtimoiy tarmoqlarda tarqatilgan “1 kg – 1 800 so‘m” haqidagi xabar haqiqatga to‘g‘ri kelmasligi va rasmiy hujjatlar bilan tasdiqlanmaganligini ta’kidlab o‘tgan.

• Paxta
• qishloq_xo‘jaligi