Farg‘ona vodiysi iste’molchilarini tabiiy gaz bilan ta’minlovchi “Ohangaron–Pungon” magistral gaz quvurining tog‘li hududidan o‘tuvchi qismida qariyb 22 km qo‘shimcha qurilgan gaz quvuri tarmoqqa ulanib, montaj ishlari yakunlangan.

Bugun, 6-sentyabr kuni soat 20:00 dan boshlab Andijon, soat 21:00 dan boshlab esa Farg‘ona va Namangan viloyatlaridagi avtomobillarga gaz to‘ldirish kompressor shoxobchalari (AGTKSH) hamda yirik iste’molchilarga tabiiy gaz yetkazib berilishi qayta tiklanadi. Bu haqida Energetika vazirligi xabar berdi.

“Eslatib o‘tamiz, mazkur quvurning ishga tushirilishi vodiy viloyatlari iste’molchilarining tabiiy gaz ta’minoti ishonchliligini oshirishga xizmat qiladi” – deyiladi xabarda.

• Andijon
• Farg‘ona
• Gaz shaxobchasi
• Namangan