7-sentyabr, yakshanba kuni Amerika Qo‘shma Shtatlari O‘zbekistonga deportatsiya reysini amalga oshirib, AQShda qonuniy qolish huquqiga ega bo‘lmagan 39 nafar O‘zbekiston fuqarosini qaytardi.

“Ushbu parvoz AQSh o‘z chegaralarini mustahkamlash bo‘yicha olib borayotgan davomli harakatlar tizimining navbatdagi qismi hisoblanadi”, – deya xabar bermoqda AQShning Toshkentdagi elchixonasi.

Shuningdek, elchixona AQSh noqonuniy immigratsiyaga barham berish, mamlakat chegaralari va fuqarolarini himoya qilishi, mamlakatga noqonuniy kirib kelganlar qamalishi va deportatsiya qilinishini haqida ogohlantirgan.

“Amerika Qo‘shma Shtatlari O‘zbekiston hukumatiga AQShning deportatsiya jarayonlarini amalga oshirishdagi yaqin hamkorligi uchun o‘zining chuqur minnatdorchiligini yana bir bor izhor etadi”, – deya qo‘shimcha qiladi elchixona.

• AQSh
• Deportatsiya
• Elchixona
• O‘zbekistonlik
• Toshkent
• fuqaro