Guanchjou xalqaro avtosalonida o‘tkazilgan taqdimotda Xitoyning GAC avtomobil kompaniyasi o‘zining "Time" elektrokarini namoyish etdi.

Uzunligi 5 metr bo‘lgan avtomobil 4 ta o‘ringa mo‘ljallangan, bu esa orqa qator yo‘lovchilari qulayligiga e’tibor qaratilganidan dalolat.

Avtomobilning burun qismi qisqa, old oynasi esa avtomobilning orqa qismiga qadar davom etgan va bu holat mashinaning tomini ulkan panoram shiftga aylantirgan.

"Time"ning eshiklari darvoza tabaqalaridek ikki tarafga ochiladi, ya’ni orqa o‘rindiq yo‘lovchilari eshigi harakat yo‘nalishiga teskari harakatlanadi.

Avtokompaniya "Vaqt"ning texnik xususiyatlari haqidagi savollarni ochiq qoldirmoqda.

• Avto
• Xitoy
• texnologiya